Strilelaga tok 32 medaljar i veteran-NM

SOLID NM-INNSATS: Frå venstre: Ørjan Moss, Arne Reigstad, Knut Magnar Rossnes, Gunnar Hauge, Bjørn Haugland og Per Oddvar Haugland. (Foto: Harald Nygård.)

Deltakarar frå AKS 77, Eikanger IL og Hordabø IL tok i alt 32 medaljar ved veteran-NM i friidrett i Bodø. Gunnar Hauge frå Eikanger IL tok tre av medaljane.

GULLVINNAR: Gunnar Hauge vann 800m i klasse MV 70-74. Ove Aastorp, Ullensaker/Kisa, tok sølv og Atle Kolbeinsen, Gular, bronse. (Foto: Harald Nygård.)

Gunnar stiller i klasse menn veteran 70-74 år. Han vann 800m og sikra seg sølv på 1500m og bronse på 3000m. På grunn av ymse skadar i beina og forkjøling rett før NM, var ikkje forma på topp, seier Gunnar. Så resultata var svakare enn normalt for han, men han var nøgd med medaljefangsten.

AKS 77 med 20 medaljar
Tre deltakarar frå AKS 77 sikra seg i alt 20 medaljar – 7 gull, 12 sølv og 1 bronse.

Ørjan Moss i klasse MV 55-59 tok heile 12 medaljar. Han vann tr øvingar i kappgang  pluss tresteg.

Lene Synnøve Halvorsen i klasse kvinner veteran 50-54 vann kule og sleggje.

Arne Reigstad kom heim med seks medaljar. Han vann kule med 8,84 og hadde elles fire andreplassar og ein tredjeplass.

Hordabø IL
Tre karar frå Hordabø IL tok til saman ni medaljar. To av karane stilte i klasse MV 70-74. Knut M. Rosnes vann sølv i lengde og bronse i kule. Bjørn Haugland i same klasse tok sølv i tresteg og bronse på 100m og i lengde.

Per Oddvar Haugland i klasse MV 75-79 år tok heile fire sølvmedaljar – 100m, lengde, høgde og tresteg.

Tekst: Stanley Hauge 
Foto: Harald Nygård